Понедельник, 2024-06-24, 3:55 AM
Самопознание - Путь Домой
Главная Форум Тесты Книги Астрологический прогноз Видео Онлайн игры Аудио О сайте
Авторские статьи Карта сайта Скрижали мудрых Регистрация Вход Приветствую Вас, Гость  RSS
Разделы
Подразделы
О Духовности. [68]
философия, религия, статьи, теории, очерки, духовность, Любовь
Молитва [54]
Медитация. Йога. [39]
Виртуальная часовня
Поиск по сайту
Тайны жизни
Анонсы
  • Медикаментозный аборт.
  • Защита. Принцип построения защиты.
  • Определение порчи.
  • Продолжение об атлантах.
  • Жизнеутверждающе. (рассказ).

  • Фотоальбомы
    Cегодня празднуют
     Каталог статей
    Главная » Статьи » Духовность. Молитва. » Молитва

    Молитвы ко Святому Духу

    Краткая молитва Святому Духу

    Душе Святый! Всю вселенную собою наполняяй, и всем жизнь подаваяй, от скверных же человек удаляяйся, смиренно молю Тя: не гнушайся нечистоты души моея, но прииди и вселися в мя и очисти мя от всякия греховныя скверны. Да помощию Твоею прочее время живота моего поживу в покаянии и творении дел благих, и тако прославлю Тя со Отцем и Сыном во веки веков. Аминь.

    Тропарь, глас 2-й

    Творче и Создателю всяческих, Боже, дела рук наших, к славе Твоей начинаемая, Твоим благословением спешно исправи, и нас от всякаго зла избави, яко Един Всесилен и Человеколюбец.

    Кондак, глас 6-й

    Скорый в заступление и крепкий в помощь, предстани благодатию силы Твоея ныне, и благословив укрепи, и в совершение намерения благаго дела рабов Твоих произведи: вся бо елика хощеши, яко Сильный Бог, творити можеши.

    Молитва Святому Духу

    Царю Небесный, Утешителю, Душе истины, Иже везде сый и вся исполняяй, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.

    Молитва коленопреклонная из Акафиста на сошествие Святаго Духа

    О Небесный Царю, Утешителю Святый, Душе Истины, везде сый и вся исполняяй, никогда же начинаемый, ниже престаяяй, но со Отцем и Сыном присно Сущий, первее во Ангельских Воинствах действовавый, священие даруя; и при миробытии в начале верху воды носивыйся, яко жизни Податель, в раи же первозданныя люди дыханием жизни воодушевивый и сладким общением Божественным утешавый я, по грехопадении же прародителей наших не восхотевый с падшими сынами человеческими пребывати, зане плоть быша, но точию во избраннех патриарсех и пророцех древле отцем глаголавый, в последок же дней сих, восхотев излити от Духа Своего на всяку плоть, первее на Честнейшую Горних Сил Пресвятую Деву Марию низшедый и велие таинство Воплощения Сына Божия Тою неизреченно совершивый, и паки на Том же Сыне Божием, во плоти на Иордан пришедшем, в виде голубине почивый, по сем же в великий день Пятидесятницы существенно в видении огненных язык на Апостолы сошедый и сими всю вселенную просветивый и Святую Церковь до скончания века Своею Божественною благодатию изобильно исполнивый, во еже падшее естество наше обожити и паки к райскому блаженству возвратити! Призри убо в сей великий, совершенный и конечный Пятидесятный праздник на моления рабов Твоих коленопреклоненно Тебе возносимыя, и очисти нас священным наитием Твоим от множества согрешений наших во всем житии нами содеянных. Едине Чистый и Пресвятый Душе, очисти нас от многия ечистоты нашея, да не паки оставиши нас, аще по плоти жити будем, яко не имать обитати Дух Твой в человецех плоть сущих, зане плоть и кровь Царствия Божия наследити не могут. Сего ради молим Тя: угаси живоносным дыханием Твоим весь пламень страстей наших, да не творим плотоугодия в похотех, но водимии Тобою, да будем прославляти Тя в душах и телесех наших. И избави нас от духа праздности, уныния, печали и гордости и даруй нам дух кротости и чистоты, и дух смирения и целомудрия, дух терпения и любве, да приидеши во внутреннюю храмину душ наших и воцаришися тамо над страстями нашими, во еже сеяти нам ктому уже не в плоть и тление, но в дух, да от Духа Твоего пожнем живот вечный в последнее Воскресение и прославим Тя с лики святых Со Отцем и Сыном во веки веков. Аминь.

    Молитва 3-я, ко Пресвятому Духу

    (Из молитвословий «На сон грядущим»)

    Господи, Царю Небесный, Утешителю, Душе истины, умилосердися и помилуй мя грешнаго раба Твоего, и отпусти ми недостойному, и прости вся, елика ти согреших днесь яко человек, паче же и не яко человек, но и горее скота, вольная моя грехи и невольныя, ведомая и неведомыя: яже от юности и от науки злы, и яже суть от нагльства и уныния. Аще именем Твоим кляхся, или похулих е в помышлении моем; или кого укорих; или оклеветах кого гневом моим, или опечалих, или о чем прогневахся; или солгах, или безгодно спах, или нищ прииде ко мне, и призрех его; или брата моего опечалих, или свадих, или кого осудих; или развеличахся, или разгордехся, или разгневахся; или стоящу ми на молитве, ум мой о лукавствии мира сего подвижеся, или развращение помыслих; или объядохся, или опихся, или без ума смеяхся; или лукавое помыслих; или объядохся, или опихся, или без ума смеяхся; или лукавое помыслих, или доброту чуждую видев, и тою уязвлен бых сердцем; или неподобная глаголах, или греху брата моего посмеяхся, моя же суть безчисленная согрешения; или о молитве не радих, или ино что содеях лукавое, не помню, та бо вся и больша сих содеях. Помилуй мя, Творче мой Владыко, унылаго и недостойнаго раба Твоего, и остави ми, и отпусти, и прости мя, яко Благ и Человеколюбец, да с миром лягу, усну и почию, блудный, грешный и окаянный аз, и поклонюся, и воспою, и прославлю пречистое имя Твое, со Отцем, и Единосущным Его Сын.


    Категория: Молитва | Добавил: Странница_грёз (2010-10-25)
    Просмотров: 2925 | Рейтинг: 0.0/0 



    Всего комментариев: 0
    Имя *:
    Email *:
    Код *:

    Copyright MyCorp © 2024
    Наш опрос
    Как Вы нашли наш сайт?
    Всего ответов: 379
    Вопросы
    Фраза дня
    Комментарии
    Чёрного мага очень сложно найти. В основном, везде "ведьмы" и "колдуны", которые таковыми не являются. У них поверхностные знания о ритуалах и в целом о чёрной магии, а настоящей Силы нет. Далее...Конференция «Новые возможности терапии злокачественных новообразований Далее...Палец короля
    Владимир Шебзухов

    У африканских корол Далее...

    Мини-чат


    Авторские тесты    Стена    Помощь    Обратная связь    Наша кнопка. Обмен ссылками    Друзья сайта    Каталог сайтов

    Копирование или перепечатка любых материалов с сайта разрешена только при ссылки на сайт и авторов!

    Статистика
    Онлайн всего: 1
    Гостей: 1
    Пользователей: 0

    Информер тиц и PR Рейтинг@Mail.ru Каталог-Молдова - Ranker, Statistics Numen.ru Этот сайт защищен «Site Guard» Rambler's Top100 Самопознание – Путь Домой S2M Психология 100 Практический психолог Дефуа Наталья Яндекс цитирования
    Используются технологии uCoz